ఈ రోజు ఫ్రెంచ్ సైనికాధికారి జోన్ ఆఫ్ ఆర్క్ ను పురుష వస్త్రాలు ధరిస్తుందన్న నెపంతో గుంజకు కట్టి సజీవ దహనం చేశారు. 1431 మార్చి నెలలోని విచారణలో ఆమె కేథోలిక సంఘ ఆచారాలను పాటించటం లేదని ఆమెపై మతభ్రష్ట కేసు నమోదు చేసి, ఇకపై ఎప్పుడూ స్త్రీ వేషధారణ లోనే ఉండాలని ఆజ్ఞాపించారు. ఆమె అందుకు ఒప్పుకుంది. ఐతే కొన్ని రోజుల తర్వాత మరల పురుష వేషం వేసిందన్న అభియోగంతో ఆమెను అధికారులకు అప్పగించి, మరణశిక్ష విధించారు.
నిజానికి తన కళ్ళ ముందే బ్రిటిష్ సేనలు తమ ఫ్రెంచ్ భూభాగాన్ని ఆక్రమిస్తుంటే చూడలేని జోన్ మగ వేషంలో వెళ్లి ఆ సైన్యాన్ని తరిమికొట్టింది. ఆమె మరణానంతరం 1456 లో ఆమెపై మోప పడ్డ అభియోగాలన్నీ అసత్యాలని ఆమెను నిర్దోషిగా ప్రకటించడం జరిగింది. ఆ తర్వాత దాదాపు ఐదు వందల ఏళ్లకు అదే చర్చ్1920లో జోన్ ఆఫ్ ఆర్క్ కు సయింట్ హుడ్ ఇవ్వడం విశేషం!